ازيك يا لطيف. للكاتب: هشام محمد

ازيك يا لطيف 

_ ست البنات هـَل الورد ،غريبه 

اي اللي غريبه 

_ أول مره أشوفك فالكافيه  

أه يا سيدي عمري ما جيت هنا 

_ وانا في نفسي عايزه اقوله يا غبي انا ب اجي هنا عشانك ،بيضحكلي طب والنبي اقوله اني بحبه ولا أصبر شويه 

_ مش هنشرب حاجه ولا هنقضيها نظرات  من تحت لتحت

يا ست هعزمك تشربي قهوه معايا 

_ هشرب ومالوا ،انا مبحبش القهوه بحب عيونه هو ،بحب تلميحات أيده وهو بيشرحلي حاجه معينه ، بحب ضحكته اوي ،ياما نفسي اقوله " بعض الحدائق حرائق عيونك مثلا من رأي يوماً جحيما أخضر " 

سرحتي في أي ؟ 

_ سرحت فيك " شكلي هقوله اني بحبه " 

ها 

_قصدي سرحت في المكان مبقاش زي الاول اتغير كتير ، حتي الناس اللي فيه إتغيروا 

اه معاك حق من خمس شهور كنت دائما بتيجي تقعدي هناك 

_ وانت عرفت منين إني باقعد هناك كده 

براقبك يا ست ورد ، كل يوم كنت ب أجي هنا عشانك 

_ عشاني أنا 

أه عشانك ، عشان انا يومي مبقاش حلو غير لما شوفتك ،عارفه يا ورد 

_ وانا ببصله وب اضحك جوايا " مش عارفه قولي قبل ما عنيا تطلع قلوب " 

_ لا يا سيدي مش عارفه قولي كنت عايز تشوفني ليه 

بإختصار انا بحبك من اول يوم شوفتك فيه

_وإشمعنا بتحبني انا ، ما انت حواليك بنات كتير وأحلي مني محبتش واحده فيهم ليه 

إسالي قلبي وهيقولك ، معنديش سبب محدد 

كل مره كنت ب اشوفك فيها كنت بأحس إني بطير وبغرق ف نفس الوقت 

عيونك قادره تكونلي سما وأطير ، وفجأه تبقي بحر وأغرق 

هتحبيني يا ورد 

_بس أنا خايفه تمشي وتسيبني أصحي في يوم ملاقكش جنبي 

 انا مش هبطل أحاول عشانك ،مش هبطل أحبك 

_هو أنت غاوي تعب ؟ 

من إمتي كنت تعب ،التعب الحقيقي أصحي ف يوم ملاقكيش جنبي فيه ،التعب الحقيقي لما متكونيش هنا معايا 

_هتفضل تحبني كده دايما ؟ 

_هفضل شايفك ب عين قلبي زي اول مره شوفتك فيها وإتخطفت ،هفضل احبك وكل يوم يعدي هحبك اكتر ما بحبك..❤️

حكاوي الست ورد

هشام محمد