عوض ربي جميل. للكاتبه: رنا عزت

عوض ربي جميل 

مش كفايه بقي

. والله لو دخنت العالم كله في سجارتي مش كفايه برضو 

. يبنتي هو سابك وخلاص لي دمرتي نفسك بالطريقه دي 

. بحبه ومش قادره انساه 

. كُنت كل يوم اقولك ابعدي عنه ده مش ليكِ وأنتِ مسمعتيش الكلام 

. مكنتش مُتخيله إنو هيسبني مكنتش مُتخيله إنو هيعرف يعيش من غيري 

. وأهو عملها وطلعتي أنتِ الخسرانه وخسرتي متابعينك واتحولتي من نهال الكاتبه إلي نهال المُدمنه 

. منار أرجوكِ سبيني،، الكلام مش هيفيد بِحاجه خلاص 

. اول مره اشوف حد بيدمر مُستقبله بأيده كده 

. هاتي السجاره 

. لا كفايه هتموتي نفسك 

. بقولك هاتي يا منار

. مش هتاخدي حاجه 

ضربتها بالحديده علي دماغها وفقدت الوعي 

. اي الِ عملته ده

______________________

بعد وفاة ماما وبابا في حادث اصابني الشِعر والكِتمان بحب أقعد في الضلمه بخاف من البشر وحيده مليش صُحاب غير قلمي والقهوه والسجاير بحاول انسيٰ ألمّ فُراق ماما وبابا صعب جداً..... وفجأه لقيت نور داخل ينور حياتي........ 

. لو سمحت الكِتاب ده بِكام؟ 

. سعره 50

 اخذت الكِتاب ومشيت 

.لو سمحتِ ممكن اعرف جايبه الكِتاب منين 

. من عند المكتبه بعد الشارع ده بس دي اخر نسخه

. يا خساره... طب متعرفيش مكان اقدر اشتريه منه؟ 

. لأ واللهِ بس ممكن تاخدها تقرأها وبعد ما تخلص ممكن ترجعها تاني 

. تمام خُدي حق الكِتاب

. لا شكراً حضرتك هترجعه تانى لان لسه شرياه 

. تمام ممكن رقمك عشان أعرف اتواصل مع حضرتك؟ 

. اتفضل*...... 

. يومين بس ويكون عند حضرتك 

هو انا لي اعطيته الكِتاب مع اني بقالي فتره بدور عليه أول مره في حياتي اعطي حد كُتب.... مرت الأيام وأنا ومُعاذ بقينا صُحاب

_________________

مُعاذ: متخفيش يا نهال أنا جمبك ومُستحيل اتخلي عنك ابداً

نهال : يديمك ليا بس عندي شعور إنك هيجي يوم وهتسبني

مُعاذ: لا أيُعقل ان أترك كاتبه وأهجُرها! 

نهال: ياولاا يجامد أنت 

مُعاذ: منك نتعلم برضو 

نهال: مش هنروح نشوف الشقه الِ هنتجوز فيها بقا؟ 

مُعاذ: لسه شويه كمان لما احوش شويه فلوس 

نهال: بقالك 3سنين تقول شويه شويه 

مُعاذ: أصبر تاخد حاجه حلوه 

نهال: حاضر 

___________________

كان بيلعب بِمشاعري ضحك عليا السنين دي كُلها وفي الاخر يطلع مِتجوز ومراته حامل كمان ده كله وأنا معرفش حاجه وأنا فاكره إنو بيحبني صعبان عليا نفسي أوي 

منار: معلش أكيد ربنا هيراضيكي

نهال: قوليلي بس هيراضيني ازاي أهلي وخسرتُهم حبيت قليل الاصل وخسرته، موهبتي وخسرتها، شكلي وخسرته من السجاير فاضل اي لسه مخسرتوش 

منار: أنا لسه معاكِ

نهال: ابعدي أنتِ كمان عشان مش تتأذي بسببي 

منار: مقدرش

نهال: أنتِ عارفه إني خلاص ادمرت ومليش مُستقبل خلاص كُل حاجه ضاعت لي مُصره تبقي معايا مش خايفه الناس تقولك مِصاحبه فاشله لي؟! 

منار: مبخفش من كلام حد انتِ الكاتبه نهال (ايـمـيـلـي) الِ الناس كُلها بتحبها وبيستنو تنزل كِتبات ليها عشان يقرأوها مُتأكده إنك هترجعي 

نهال: هرجع ازاي أنتِ مش شايفه منظري! 

منار: هساعدك 

نهال: مش هتعرفي 

منار: هعرف وهرجعك اقوي من الاول كمان... 

منار كانت أقرب واحده ليا صحبتي من7سنين.... فضلت معايا بتحاول تخرجني من الِ فيه بتحاول تِرجع شغفي للكِتابه تاني الحمدلله بطلت سجاير كان صعب اوى وكمان إني حاولت أموت منار بس بِرغم ده كله فضلت معايا رجعت أكتب تاني.... 

تفتكري الرواية هتنجح وكل النسخ هتتباع 

. أكيد يا حبيبي..... التليفون رن 

. مُبارك يا نهال الرواية اتباعت كُلها ومُنتظرين الرواية الجديدة بقي أكيد هتكسر الدُنيا 

أول ما سمعت الخبر ده عيوني دمعت من الفرحة حسيت إني رجعت احسن من الاول كمان الرواية نزلت في جميع بلاد العرب ونجحت الحمدلله وحققت حلمي.... واخيراً اقتنعت إن الحياة مش هتقف على حد وإن الِ قال باقي أول فُلان سابك وفي ناس هتدخل حياتنا هتسبب دمار فيها وفي ناس هتدخل حياتنا تصلح الدمار ده 

منار: نهال يلا عشان الصحافه مستنياكِ بره 

نهال: حاضر لحظه بس البس الخِمار 

الحمدلله ربنا هداني كمان ولبست الخِمار أنا ومنار 

كلام منار كان صحيح ربنا هيعوضني عوض ربنا حلو أوي لازم نصبر وهراضينا بأذن الله  

منار: يا نهال كفايه دلع يلا الصحافه بقالهم ساعتين واقفين بره 

نهال: عادي خليهم يستنو أكتر 

شدتني من ايدي وطلعنا بره نقابل الصحافه،،، وبكده حققت جزء من الحلم وإن شاءلله هستمر. 

رنا عزت 

حدوته (ايـمـيـلـي)